چاريکار (پژواک، ٢٩چنګاښ ٩٤): د پروان د مرکز او يو شمېر ولسواليو اوسېدونکي د دولت د وسله والو مخالفينو او نامسوولو وسله والو کسانو د فعاليتونو له امله ورځ تر بلې له زياتېدونکو ناامنيو شکايت کوي.
د پروان ولايت د سياه ګرد ولسوالۍ مرکز اوسېدونکي او قومي مخور عبدالقهار مجيدي پژواک خبري اژانس ته وويل چې د دغه ولايت په ځينو سيمو کې په ځانګړې توګه د سياه ګرد او شينواري په ولسواليو کې د وسله والو مخالفينو فعاليتونه زيات شوي دي.