Panjshir ټاکنیز خبرونه

پاراخ( پژواک،٢٠ چنګاښ ٩٤): د پنجشېر يو شمېر اوسېدوونکي په داسې حال کې د ولايتي شورا له کړنو ناخوښ دي ،چې ددې شورا د نوو غړو د کار په پيل کې ددې بنسټ ښو کړنو ته هيله من وو.
د ولايتي شورا ټاکنې تېرکال د وري په ١٦مه تر سره شوې ، خو پايلې يې په ټاکنو په ځانګړې توګه د ولسمشرۍ په ټاکنو کې د پراخو درغليو له کبله کابو له اوو مياشتو ځنډ وروسته اعلان شوې.
ددې پايلو له مخې، مولوى سيديحيى عنابى، وحيدالله دژکوهي، نجيب الله يعقوبي، عزم الدين ميرزايي، عبدالصمد سلطاني، قلندرخان بهادري، راحله عطايي او ويدا سعيدي د پنجشېر ولايتي شورا ته لار ومونده.

پاراخ ( پژواک ١٤ لړم ٩٣): د پنجشېر يو شمېر اوسېدونکي د نوې ولايتي شورا ښه چوپړ ته هيله من دي او وايي، دغه شورا به ځکه د پخوا په پرتله بريالۍ وي چې ډېر غړي يې ځوانان دي.

د ولايتي شوراګانو ټاکنې د وري په ١٦مه تر سره شوې،خو پايلې يې له شاوخوا اووه مياشتې ځنډ وروسته اعلان شوې.

د دې پايلو له مخې، محمدعلم ايزديار، ملامحمدفيضي،وحيدالله دژکوهي، نجيب الله يعقوبي،عزم الدين ميرزايي، عبدالصمد سلطاني، قلندرخان بهادري، راحله عطايي او ويدا سعيدي د پنجشېر ولايتي شورا ته لار موندلې ده.

ګردېز(پژواک ٢٤غبرګولى٩٣):دپکتيا چاروکي وايي ،چې په دې ولايت کې ټاکنې نسبتاً په ښه امنيت او شفاف ډول ترسره شوې .
د ياد ولايت دټاکنو کمېسيون رييس رحمت الله حقمل پژواک ته وويل، په ټوله پکتيا کې درايې اچونې ۲۱۲ مرکزونه وو؛ چې ۸ يې دامنيتي او قومي ستونزو له امله تړلي وو.
حقمل وايي،په ځاځي اريوب کې ۳ مرکزونه هغه مهال وتړل شول ،چې د يوه کانديد زورواکي غوښتل صندوقونه کور ته يوسي؛ خو مخنيوى يې وشو او مرکزونه يې وتړل شول.
ده وويل، چې د زرمت په ولسوالۍ کې هم ۵ د رايې اچونې مرکزونه تړلي پاتې شو.