Paktia ټاکنیز خبرونه

ګردېز(پژواک، ٢۵ تله ۹۸):د پژواک موندنې ښيي چې د ولسمشرۍ ټاکنو پرمهال د پکتيا ولايت د امنو ولسواليو پرتله په نا امنو ولسواليو کې ډېرې رايې کارول شوي چې خلکو ته يې شکونه پيدا کړي دي.
د تلې مياشتې د شپږمې ڼېټې په ولسمشريزو ټاکنو کې د پکتيا په مرکز او ١٤ ولسواليو کې ټول ۱۹۴ ټاکنيز مرکزونه وو چې ۳۲ يې د امنيتي ګواښونو له امله تړلي پاتې شول.

ګردېز(پژواک، ٢۵ تله ۹۸):د پژواک موندنې ښيي چې د ولسمشرۍ ټاکنو پرمهال د پکتيا ولايت د امنو ولسواليو پرتله په نا امنو ولسواليو کې ډېرې رايې کارول شوي چې خلکو ته يې شکونه پيدا کړي دي.

ګردېز (پژواک، ٨ تله ٩٨): د پکتيا ولايتي چارواکي وايي چې په دغه ولايت کې غوره ټاکنې تر سره شوې او خلکو په شفاف ډول د خپلې خوښې نوماند ته رايه ورکړه.
دوی په يوه خبري کنفرانس کې ښه امنيتي تدابير، د ټاکنو کمېسيون نسبتا ښه چمتووالی او د قومي جوړښتونو له مخې د خلکو ګډون د ټاکنو د روړنتيا په برخه کې مهم وباله.
په دغه غونډه کې د پکتيا والي شميم خان کټوازي د وړمې ورځې ولسمشريزې ټاکنې تاريخي يادې کړې او ويې ويل چې د وسله والو مخالفينو د ګواښونو سربېره لسګونه زره خلک راووتل او رايه يې ورکړه.

ګردېز (پژواک، ٧ تله ۹۸): د پکتيا ولايت اوسېدونکي وايي چې ټاکنې د هېواد د ثبات او سولې ته د رسېدو يواځنۍ لار ده او د همدې چارې د تر سره کېدو لپاره يې رايه ورکړې ده.
دوی هيله ښيي چې نوی حکومت به د خلکو د اقتصاد ښه کېدو او سولې لپاره په لا ډېر جديت او دقت ګامونه پورته کړي.
د ګردېز اړوند د تېرې سيمې اوسېدونکی حاجي طوطي رايه د ټولو خلکو ټولنيز او اسلامي مسووليت بولي او ټينګار کوي چې د خلکو ارادې ته بايد درناوی وشي.

ګردېز (پژواک، ٢ تله ٩٨): د پکتيا ولايت اوسېدونکي وايي چې ټاکنې ملي او د هېواد برخليک ټاکونکې پروسه ده او ټول خلک بايد په کې ګډون وکړي.
دوی له وسله والو طالبانو غواړي چې نه يواځې خلک په ټاکنو کې له ګډونه منع نه کړي، بلکې په دې ملي پروسه کې د ګډون لپاره دې له ټاکنيزو کارکوونکو سره مرسته هم وکړي.
په دې اړه د ګردېز د بلندمنزلو ښارګوټي اوسېدونکی نصيب جان يوسفي د تلې په دويمه پژواک خبري اژانس ته وويل چې ټاکنې تر ډېره په ولس پورې اړوند دي او راتلونکې ولسمشريزې ټاکنې د مشروع دولت رامنځته کېدو لپاره اساسي پديده ده.

ګردېز (پژواک، ٣١ وږى ٩٨): د پکتيا ولايت ګڼ شمېر اوسېدونکي وايي ټاکنې یوه ملي پروسه ده او د هېواد د سياسي او ټولنيز ثبات ساتلو لپاره به په کې پراخ ګډون وکړي.
دوی ټينګار کوي چې دولت هم بايد د عادلانه ټاکنو ترسره کېدو زمينه برابره کړي او له نورو خلکو غواړي چې دغه مهم مسووليت په سم ډول ترسره کړي.
د اړوندې موضوع په اړه د وږي په ٣١مه د پکتيا اوسېدونکو په مرکز ګردېز کې لويه غونده جوړه کړې وه.
په دې غونډه کې د پکتيا پوهنتون استادې ډاکترې نازدانې پکتياوال وويل چې اوس مهال ډېری خلک پر خپلو مدني حقونو او مکلفيتونو پوه شوي او د خپلو حقونو ترلاسه کولو لپاره رايه ورکوي.

ګرديز (پژواک، ٢٧ وږى ٩٨): د پکتيا يو شمېر ديني عالمان وايي چې په ټاکنو کې د خلکو ګډون او سالم انتخاب نه يوازې د ټولنې د هر غړي حق دی، بلکې مسووليت او مکلفيت هم دی.
دوی دا خبرې د ټاکنو کمېسيون د سيمه ييز دفتر له خوا د ټاکنو په اړه له ديني عالمانو سره په يوه غونډه کې وکړې.
په دې غونډه کې د پکتيا د عالمانو شورا مشر قاري خواجه الدين حقبيان نيوکه وکړه چې په هره موضوع کې ديني عالمانو ته يواځې مسووليت ورکول کېږي، خو صلاحيت بيا هېڅ نه ورکول کېږي.
هغه په دې اړه نور جزئيات وړاندې نه کړل خو حقبيان رايه يو امانت وباله او د هېواد شته حالت ته په کتو يې اهل ته پر ورکولو ټينګار وکړ.

ګردېز (پژواک، ٢٥ وږى ٩٨): د پکتيا اوسيدونکې د ټاکنو خپلواک کمېسيون پر پرېکړې اعتراض کوي چې له مخې به يې په راتلونکو ولسمشريزو ټاکنو کې د رايې لپاره د ښځو انځورونه هم اخيستل کېږي.
دوی وايي چې دا چاره په ټاکنو کې د ښځو پر ګډون ناوړه اغېز وکړي نو پر دې پرېکړې دې بيا کتنه وشي.
پکتيا د ښځو شبکې د سيمه ييز دفتر مشرې زرغونې همت د وږي په ٢٥مه پژواک خبري اژانس ته وويل چې د ښځو د انځور اخيستو پر ځای دې د هغوی ګوتې بايومټريک شي.
همت وويل چې د ښځو د انځور اخيستو لپاره اوس وخت مناسب نه دى؛ ځکه له وړاندې ورته پوهاوى نه دى ورکړ شوی.

ګردېز (پژواک، ۲۳ وږی ۹۸) د پکتيا ولايت اوسېدونکي وايي چې په تېرو ولسمشريزو او پارلماني ټاکنو کې پر ياده پروسه د خلکو باور خورا زيانمن شوی نو اوس په کار ده چې اړوندې ادارې د دې چارې د ترميم لپاره کار وکړي.
دوی دا خبرې د وږي په ٢٣مه د مدني او د ښځو بنسټونو له فعالانو او سياسي ګوندونو له استازو سره د ټاکنيزو ولايتي کمېسيونونو د مسوولينو په مشورتي ناسته کې وکړې.
مدني فعال عبدالصمد پکتين وويل چې خلک تېرو ټاکنيزو تجربو ته په کتو ډاډه نه دي چې د رايې او ارادې تمثيل به يې وشي.

کابل(پژواک، ۸ غويى ۹۸): د ټاکنو خپلواک کمېسيون د پکتیا ولایت د ولسي جرګې د ټاکنو وروستۍ پايلې اعلان کړې، خو تراوسه د کابل ولایت د ټاکنو پايلې نه دي اعلان شوې.
د ټاکنو د خپلواک کمېسيون لخوا د غویي په ۸مه، په یوه خپره شوې خبرپاڼه کې محمد ابراهیم غښتلی، داکتر یار باز خان حميدی ، نصیب مقبل، سید حسن ګردیزی او راضیه سعادت منګل بريالي اعلان شوي.
د ولسي جرګې ټاکنې د تېر کال د تلې په ۲۸مه او ۲۹مه په ۳۲ ولایتونو او د لړم په پنځمه په کندهار ولایت کې ترسره شوې؛ خو دا ټاکنې د ځینو مواردو او مخالفتونو شتون له امله په غزني ولایت کې ترسره نه شوې.