قلعۀ نو ( پژواک ٢٥ چنګاښ ٩٢ ) : د بادغيس يو شمېر اوسېدونکي په دغه ولايت کې د نورو غوښتنو ترڅنګ د هوايي ډګر، پوهنتون او روغتونونو جوړولو غوښتنې کوي.
ددې ولايت د مرکز قلعه نو يو تن اوسېدونکى او د مدني ټولنې فعال عبدالله درانى وايي، چې دا ولايت ډېر وروسته پاتې دى او په هره برخه کې زياتو مرستو ته اړتيا لري.
هغه پژواک اژانس ته وويل ، چې په دې ولايت کې د ملکي هوايي ډګر جوړول ددوى تر ټولو لويه او مهم غوښتنه ده او مرکزي حکومت بايد دې برخې ته زياته پاملرنه وکړي.
